Ulyzes

Sidan 1970-åra har kunstnaren Oddvar Torsheim alltid hatt ei skisseblokk med seg, anten han er heime, ute på dei daglege spaserturane sine, i butikken eller på reise. I desse noterer han flittig innfall, små tekstar og skisser som seinare kan bli utgangspunkt for kunstverk. Skisseblokkene, til saman over 400, har han tatt vare på.00No har Torsheim gått gjennom dette rikhaldige materialet i lag med bokdesignar Silje Nes. Resultatet av fleire tusen sider har blitt komprimert til ei samling skisser, nokre er blitt til kjende verk, andre er innfall og teikna notat. Ulyzes presenterer den mangfaldige og folkekjære multikunstnaren Oddvar Torsheim sitt ville samansurium av tankar og idear. 00I boka møter Oddvar Torsheim sin gamle venn Jon Fosse ei langhelg i Austerrike. Samtalane deira krinsar rundt livet, døden, kyrkja og kemnaren, og lesaren kjem tett inn på dei to kunstnarane.0.