Månen er så liten som ein katt

I denne intervjuserien fortel 39 born om ting dei er opptekne av og tankar dei har om verda rundt seg. Den yngste er fire år gammal, den eldste tolv, og alle kjem frå Sogn og Fjordane. Borna fortel ope om både vakre og vonde opplevingar i kvardagen: om å gle seg til å bli skulejente, om å lukke auga og reise til plassar som ikkje finst, om når pappa døyr, om å lengte etter eit anna land, om froskar og salamandrar, om Guds eksistens og om å ha ein sjøhest i ei fyrstikkøskje. Borna har sjølv bestemt kva dei vil snakke om, og dei har mykje å fortelje. Intervjuserien stod på trykk i avisa Firda i 1999 under tittelen "Born i 99". Boka er gjennomillustrert med fotografi forfattaren har teke av borna. Ib.,